Julian
Expert
Joined: 09 Sep 2006
Posts: 324
|
 Posted: Fri Dec 08, 2006 10:24 am Post subject: Coupo Santo (L'inne de Prouvenço) |
 |
|
Audio: "Coupo Santo", written by Frédéric Mistral, as sung by Patric, from his album Les plus beaux chants d'Occitanie (Aura Productions 1993). The unofficial hymn of Provence.
Coupo Santo
En grafia mistralenca (grafìo mistralenco)
Prouvençau, veici la Coupo
Que nous vèn di Catalan :
A-de-rèng beguen en troupo
Lou vin pur de noste plan
refrin :
Coupo Santo
E versanto
Vuejo à plen bord,
Vuejo abord
Lis estrambord
E l'enavans di fort !
D'un vièi pople fièr e libre
Sian bessai la finicioun ;
E, se toumbon li felibre,
Toumbara nosto nacioun
D'uno raço que regreio
Sian bessai li proumié gréu ;
Sian bessai de la patrìo
Li cepoun emai li priéu.
Vuejo-nous lis esperanço
E li raive dóu jouvènt,
Dóu passat la remembranço,
E la fe dins l'an que vèn,
Vuejo-nous la couneissènço
Dóu Verai emai dóu Bèu,
E lis àuti jouïssènço
Que se trufon dóu toumbèu
Vuejo-nous la Pouësìo
Pèr canta tout ço que viéu,
Car es elo l'ambrousìo,
Que tremudo l'ome en diéu
Pèr la glòri dóu terraire
Vautre enfin que sias counsènt.
Catalan, de liuen, o fraire,
Coumunien tóutis ensèn !
Copa Santa
En grafia classica
Provençaus, veicí la copa
Que nos vèn dei catalans :
A-de-rèng beguem en tropa
Lo vin pur de nòstre plant !
repic :
Copa santa,
E versanta,
Vueja a plen bòrd,
Vueja abòrd
Leis estrambòrds
E l'enavans dei fòrts !
D'un vièlh pòple fièr e libre
Siam bensai la finicion ;
E se tomban lei Felibres,
Tombarà nòstra nacion.
D'una raça que regrelha
Siam bensai lei promiers greus ;
Siam bensai de la patria
Lei cepons e mai lei prieus.
Vueja-nos leis esperanças
E lei raives dau jovènt,
Dau passat la remembrança
E la fe dins l'an que vèn.
Vueja-nos la coneissènça
Dau verai e mai dau bèu,
E leis autei joïssènças
Que se trufan dau tombèu.
Vueja-nos la poesia
Pèr cantar tot çò que viu,
Car es ela l'ambrosia
Que tresmuda l'òme en dieu.
Pèr la glòria dau terraire
Vautres enfin que siatz consènts,
Catalans de luenh, ò fraires,
Comuniem toteis ensèms ! |
|
FAQ
Search
Memberlist
Usergroups
Join! (free) 
Profile
Log in to check your private messages
Log in
